என்னது மன வலிக்கு இப்படி ஒரு மருந்து இருக்கா

 

#டைம்பாஸ்_கிறுக்கல்

அகத்துள் ளிருக்கும் வலிகளை

முகத்தில் அரிதாரம் பூசி

மறைத்து விட முடியுமா !!!

நிச்சயமாக முடியாது தான் . . .

குரோதங்களும், துரோகங்களும்

தந்து சென்ற காயங்கள் ஆறினாலும்

ஆற்றுப்படுத்த முடியா

வலியைத் தந்து கொண்டிருக்கும்

மாறாத மறையாத வடுக்கள் . . .

வடுக்களைக் காணும் 

கணங்கலில் எல்லாம்

காரணங்கள் தேடித் தேடி

அன்பின் பிணைப்பி லிருந்து

அகன்று விடத் துடிக்கும் மனம் . . .

ஆயினும் அரிதாரம் பூசி

இதழோரம் சிறு புன்னகையை

இழையோடச் செய்யும் பொழுது

வலிகள் கொஞ்சம் மறைந்ததாகவும்,

சற்று குறைந்ததாகவும்

ஓர் பிம்பம் தோன்றும் தெரியுமா!! . . .

அதை உணர்ந்து 

ஆறுதல் அடையும்  பலரில் 

நானும் ஒருத்தி , இப்படியே 

இருந்து விட்டுப் போகிறோமே . . .

எங்களை விட்டு விடுங்கள்

இதிலென்ன நட்டம் 

வந்துவிடப் போகிறது உங்களுக்கு . . . 

           *ரேணுகா ஸ்டாலின்*

#இனிய_இரவு_வணக்கம்_நட்பூக்களே