அனைவருக்கும் இனிய #சுதந்திர_தின_நல்வாழ்த்துக்கள்

 

ஆங்கிலேயரிடம்

அடிமைப்பட்டிருந்த தேசம்

பலரின் தியாகங்களால்

சுதந்திரம் பெற்றது . . .

பரிதவிப்பில் இருந்த

பாரதமாதா கொஞ்சம்

ஆசுவாசமாய் ஆங்காங்கே

உலவிக் கொண்டிருந்தாள் . . .

புழுவென நசுக்கப்பட்ட

மனிதர்கள் யாவரும்

சிறகு விரித்து பறக்கத் தொடங்கி

புத்தொளி பெற்றனர் . . .

புதுத் தெம்புடன்

புதுயுகம் படைக்கப்

புறப்பட்டனர் . . .

நொடிகள் கடந்தன,

நிமிடங்கள் கடந்தன,

நாட்கள் கடந்தன அத்தோடு

ஆண்டுகளும் கடந்து

இன்று 75 நிறைவுற்று

76ம் ஆண்டில் அடியெடுத்து

வைக்கின்றோம் . . .

ஆயினும், அனைவரும்

சுதந்திரத்தை அனுபவித்து

வாழ்கின்றோமா !!!

என்றெண்ணும் போது

ஏனோ மனம் பதைபதைக்கிறது

சுதந்திர தேசம் எதை நோக்கி

நகர்கிறது . . .

சாதிக்கொரு சங்கம்

வீதிக்கொரு நீதி

எங்கு நோக்கினும் கொலை,

கொள்ளை, பாலியல்

வன்கொடுமைகள்

இதுவா சுதந்திரம்

இதற்கா அத்தனை உயிர்கள்

அடிபட்டு, உதைபட்டு

சிறையில் இருந்து

செக்கிழுத்து உயிர் துறந்தனர் . . .

மாற்றங்கள் ஒன்றே

மாறாத இவ்வுலகில்

நல்மாற்றங்கள் விளைய

பெற்ற சுதந்திரத்தை

பேணிப் பாதுகாப்போம் . . .

சாதிகளற்ற சமநீதி பெற

ஒன்றிணைந்து போராடுவோம் . . .

சுதந்திரத்திற்காக உயிர்நீத்த

தியாகிகளை போற்றி

வணங்குவோம் . . .

வருங்காலம் வளமாகும்

வந்தே மாதரம் . . .

எங்க அம்மா ஓர் பாடல் பாட

ஆசைப்பட்டாங்க அதனால் தான்

அவர்கள் பாடலுடன்

சுதந்திர தின வாழ்த்து

இந்திய இராணுவத்தில் இருந்து

தேசத்திற்காக பாடுபட்ட வீரரின்

பெயர்த்தி என்கின்ற பெருமிதத்தோடு

அனைவருக்கும் இனிய

#சுதந்திர_தின_நல்வாழ்த்துக்கள். . .

ஜெய்ஹிந்த்