ஆத்திச்சூடி_தன்முனைக்_கவிதைகள்

 

#முதல்_முறையாக_சிறுமுயற்சி

#ஆத்திச்சூடி_தன்முனைக்_கவிதைகள்

1. #அறம்_செய்ய_விரும்பு

சந்ததியைக் காத்திடும்

சமயத்தில் செய்த தர்மம்

சட்டென அழித்திடும் நம் 

முன்வினை கர்மம்

2. #ஆறுவது_சினம்

கட்டுக்கடங்காத கோபம்

கட்டுப்பாட்டில் வைக்கிறான்

காலம் கடந்து சிந்தித்து

கவலையில் வாழ்கிறான்

3. #இயல்வது_கரவேல்

இயலாதோர் இல்லாதோர்க்கு

இருப்பதை கொஞ்சம் வழங்குங்கள்

இறையருள் பெருகி நித்தம்

செழிப்போடு வாழுங்கள்

4. #ஈவது_விலக்கேல்

அறத்தில் சிறந்த அறம்

எதுவென அறிவீரோ!!

தர்மம் செய்திட விரும்பாவிடினும்

செய்வோரை தடை செய்யாதிருத்தல்

5. #உடையது_விளம்பேல்

ஔவையாரின் ஐந்தாம் ஆத்திச்சூடி

அகத்திலிருந்து அகன்று விட்டால்

தன்னைத்தானே புகழ்திடும் 

தற்குறி எண்ணம் வளர்ந்திடும்

6. ‌#ஊக்கமது_கைவிடேல்

முயற்சியும் பயிற்சியும்

உற்சாகத்தை கூட்டிடும்

உயிர் போகும் நிலைவரினும்

ஊக்கமுடன் போராடிடும்

7.  #எண்_எழுத்து_இகழேல்

பருவத்தே பயிர் செய்தால்

கழனி எல்லாம் விளைந்திருக்கும் 

எண் எழுத்தை விரும்பி

ஏற்றால் வாழ்வது சிறக்கும்

8. ‌ #ஏற்பது_இகழ்ச்சி

உழைப்பின் உன்னதம் உணராது

இரந்து வாழ்வது இழிவானது

வறுமையிலும் தளராத 

தன்மானம் கொள்வது சிறப்பானது

9.  #ஐயம்_இட்டு_உண்

ருசிக்காக உண்ணாமல்

பசிக்காக உண்ணுங்கள்

அதையும் பசித்தவர்க்கு கொஞ்சம்

பகிர்ந்தளித்து மனம் வெல்லுங்கள் 

10.  #ஒப்புரவு_ஒழுகு

உள்ளன்போடு உதவிடும்

நல்மனம் கொண்டவர்கள்

பகைமையை வேரறுத்து

வெற்றி கொள்ள பிறந்தவர்கள்

11.  #ஓதுவது_ஒழியேல்

கற்றதை பிறருக்கு

கற்பிக்கும் பண்பாளர்கள் 

வாசிப்பை நேசித்து 

வாஞ்சையுடன் சுவாசிப்பவர்கள்

12.  #ஔவியம்_பேசேல்

நெஞ்சத்தில் வஞ்சம் இன்றி

அழகுத் தமிழில் பேசிடுவோம்

அகங்காரம் ஏதும் இன்றி 

அன்புடன் வாழ்ந்திடுவோம்

             *ரேணுகா ஸ்டாலின்*